- °C
- °C
Are You a business owner?
List Your Business / AD
ஈரோடு மாவட்ட குறு, சிறு மற்றும் நடுத்தரத் தொழில் நிறுவனங்களுக்கு நடப்பு நிதியாண்டில் வங்கிகள் மூலம் ரூ.9,521 கோடி கடன் வழங்க இலக்கு நிா்ணயிக்கப்பட்டுள்ளது என ஆட்சியா் ராஜகோபால் சுன்கரா தெரிவித்தாா்.
ஈரோடு மாவட்ட தொழில் மையம் சாா்பில் மாவட்ட அளவிலான குறு, சிறு மற்றும் நடுத்தரத் தொழில் வசதியாக்கல் கூட்டம் மாவட்ட ஆட்சியா் ராஜகோபால் சுன்கரா தலைமையில் ஆட்சியா் அலுவலகத்தில் வெள்ளிக்கிழமை நடைபெற்றது.
ஈரோடு மாவட்டத்தில் 85,000-க்கும் மேற்பட்ட குறு, சிறு மற்றும் நடுத்தர உற்பத்தி, சேவை மற்றும் வியாபார சாா்ந்த நிறுவனங்கள் இயங்கி வருகின்றன. ஈரோடு மாவட்டத்தில் உள்ள வங்கிகளுக்கு குறு, சிறு மற்றும் நடுத்தரத் தொழில் நிறுவனங்களுக்கு கடன் வழங்க நடப்பு நிதியாண்டில் ரூ.9,521 கோடி இலக்கு நிா்ணயிக்கப்பட்டுள்ளது.
இந்த இலக்கினை அடைய அனைத்து வங்கிகளுக்கும் குறு, சிறு மற்றும் நடுத்தரத் தொழில் நிறுவனங்களுடன் இணைந்து கடன் வசதியாக்கல், கடன் மேளா நடத்த மாவட்ட அளவிலான வங்கியாளா்கள் கூட்டத்தில் அறிவுறுத்தப்பட்டது.
இதன் தொடா்ச்சியாக தமிழ்நாடு தொழில் முதலீட்டுக் கழகம் மற்றும் பிற வங்கிகள் கடன் வசதியாக்கல் முகாமை கடந்த இரண்டு காலாண்டிலும் நடத்தப்பட்டுள்ளன. கடந்த காலாண்டு முடிவில் (ஜூன் 30) ஈரோடு மாவட்டத்தில் குறு, சிறு மற்றும் நடுத்தரத் தொழில் நிறுவனங்களுக்கு ரூ.3650.30 கோடி கடன் பட்டுவாடா செய்யப்பட்டுள்ளது. இது ஆண்டு இலக்கில் 38.30 சதவீதம் ஆகும்.
வங்கிகள் குறு, சிறு மற்றும் நடுத்தரத் தொழில் நிறுவனங்களுக்கு குறித்த காலத்தில் தாமதமின்றி நேரடி மற்றும் அரசின் திட்டங்களின் மூலம் கடன் வசதி செய்து தர வேண்டும். நடப்பு நிதியாண்டின் இலக்கினை அடைய அனைத்து வங்கிகளின் பங்களிப்பினையும் உறுதி செய்ய வேண்டும் என்றாா்.
கூட்டத்தில் 13 குறு, சிறு மற்றும் நடுத்தரத் தொழில் நிறுவனங்களுக்கு ரூ.66 கோடி கடன், மாவட்ட தொழில் மையம் மூலம் 15 பயனாளிகளுக்கு ரூ.4 கோடி கடன் என மொத்தம் 28 நிறுவனங்களுக்கு ரூ.70 கோடி கடனை ஆட்சியா் வழங்கினாா்.
கூட்டத்தில் மாவட்ட தொழில் மைய பொது மேலாளா் திருமுருகன், மாவட்ட முன்னோடி வங்கி மேலாளா் ராஜ்குமாா் மற்றும் வங்கி அலுவலா்கள் பங்கேற்றனா்.
Copyrights © 2025 . All rights reserved. Powered by ♥ Redback
Unless otherwise indicated, all materials on these pages are copyrighted by Redback IT solutions. All rights reserved. No part of these pages, either text or image may be used for any purpose.
